مہر خبررساں ایجنسی نے اسپوٹنک کے حوالے سے کہا ہے کہ امریکی دارالحکومت واشنگٹن میں فلسطین کے حامیوں نے احتجاجی مظاہرہ کیا اور غزہ میں صہیونی حکومت کے مظالم کے خلاف نعرے بازی کی۔
امریکی ذرائع ابلاغ نے کہا ہے کہ وائٹ ہاؤس کے سامنے مظاہرے کے دوران فلسطین کے حامی ایک شخص نے خود کو آگ لگادی۔ موقع پر موجود افراد نے مذکورہ شخص کو طبی امداد کے لئے ہسپتال پہنچا دیا۔ واقعے کے بعد امریکی پولیس نے جائے وقوعہ کو گھیرے میں لے لیا۔
غزہ کے خلاف صہیونی حکومت کے حملوں کے بعد امریکہ میں احتجاج کے طور پر خود کو آگ لگانے کا یہ چوتھا واقعہ ہے۔
یہ مظاہرہ گذشتہ سال سات اکتوبر کے بعد غزہ پر صہیونی حکومت کی بربریت کے خلاف کیا جارہا ہے۔
واشنگٹن میں فلسطین کے حق میں مظاہرہ کرنے والوں کی تعداد ایک ہزار بتائی جاتی ہے۔ مظاہرین فلسطین کی آزادی کے حق میں نعرے لگارہے تھے۔
آپ کا تبصرہ